ЖЭБдеги абалга байланыштуу тургундарды жылуу тамак-аш менен камсыз кылуучу пункттар ачылды

Өкмөт башчы Сапар Исаковдун тапшырмасы менен Бишкектеги Жылуулук электр борборундагы кырдаалга байланыштуу муктаж болгон жарандарды кабыл алуучу бир нече пункттар ачылды. Бул тууралуу өкмөттүн басма сөз кызматы билдирди.

Белгилүү болгондой, 3 миңден ашуун жашоочуларга ылайыкталган пункттарда ысык тамак менен чай берилип, жылынууга шарт түзүлгөн. Ошондой эле транспорт маселеси да каралган.

Аталган пункттардын даректери:

Свердлов району:

• Күрөңкеев көчөсү 89а, "Ардагер" борбору. Директору Абдиева Марипа Төлөмүшовна, телефон номери 0 (312) 37 63 01, 0 (551) 51 28 48;
• №23 орто мектеби, Жибек жолу көчөсү 287. Директору Ситоленко Андрей Владимирович, телефон номери 0 (312) 48 20 48, 48 20 30, 0 (772) 27 77 21;

Ленин району:

• №95 орто мектеби. Директору Акмашаева Анара Радбековна, телефон номери 0 (552) 90 86 73.

Биринчи Май району:

• №75 орто мектеби, Баялинов көчөсү 124. Директору Абдуазизов Данияр Валитович, телефон номери 0 (312) 32 01 17, 32 01 18, 0 (554) 40 44 85;
• Социалдык жатакана. Балтагулов көчөсү 1. Директору Петрушевский Алексей Владимирович, телефон номери 0 (553) 93 04 70.

Транспорт боюнча суроолорго Бейшенбаев Улан Бекежанович жооп берет. Телефон номери 0 (553) 01 37 72.

Белгилей кетсек, кечээ, 26-январда Бишкек шаарында Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин төмөндөгөндүгүнө байланыштуу, борбордогу үйлөргө да жылуулук берүүнүн температурасы төмөндөгөн. ЖЭБдин жетекчиси Нурлан Өмүркул уулунун айтымында, жылуулук берүү системи качан калыбына келе турганы азырынча белгисиз.