Бүгүн саат 15:00дө SUPER.KG`нин Түз эфиринде ырчы Мирбек Иманбеков конокто болот

SUPER.KG порталынын Түз эфиринин кезектеги коногу - мындан бир канча жыл мурун Кыргыз эстрадасына жарк этип кирип келип, канчалаган күйөрмандарды топтогон ырчы Мирбек Иманбеков.

Алгач "Таластык кыз" деген ыры менен сахнага кадам шилтеп, тез убакыттын ичинде жылдызы жанган ырчы 1985-жылы 25-ноябрда Талас облусуна караштуу Кара-Буура районунда туулган. Мектепти аяктаган соң Бүбүсара Бейшеналиева атындагы Искусство жана маданият университетинин хордук дирижёрлук бөлүмүндө окуган. Анын "Сүйүүнүн керемети", "Түн чүрөгү", "Секетим", "Жаз" деген ырлары азыркыга чейин угармандарын жоготпой келет.

Ырчы үй-бүлөлүү. Учурда Арууке аттуу кыздын жана Чынтемир деген уулдун атасы.

Соңку жылдары сахнадан көп көрүнбөй калган Иманбеков "Супер-Инфо" гезитине берген маегинде үйдүн кичүү уулу болгондугуна байланыштуу айылга көчүп кеткенин айткан. Ал ата-энесине татыктуу карылык тартуулоо үчүн алардын жанында болууну туура көргөн.

Мирбек Иманбековго арнаган жылуу ой-пикирлериңиз же кызыктуу суроолоруңуз болсо, мүмкүнчүлүктөн пайдаланып +996 557 75 63 63 WhatsApp номерине узатыңыз. Ошондой эле түз эфир жүрүп жатканда "Соңку кабар" аркылуу комментарий жазып дагы жооп алсаңыздар болот. Ырчы бүгүн саат 15:00дө баштала турган SUPER.KG порталынын түз эфири учурунда берилген суроолорго жооп берет.