Нурлан Садыков: "ЖЭБдеги абалдан улам Бишкекте электр энергия системинде авариялар кайталанды"

ЖЭБдеги абалдан улам Бишкек шаарында электр энергия системинде авариялар кайталанды. Бул тууралуу бүгүн, 29-январда брифингде "Улуттук энергетикалык холдинг" компаниясынын жетекчисинин биринчи орун басары Нурлан Садыков билдирди.

Ал шаардын тургундарынан жаралган кырдаал үчүн кечирим сурады. “Эки күндүн ичинде электр энергия тармагында 60 жолу авария болду. Бишкек шаарында жылуулук 5 кадамдан берилет: Батыш-1, Батыш-2, Батыш-3, Чыгыш жана Аламүдүн. Батыш-3тө көйгөйлөр бар. Калган жерде 60 градус температура сакталууда. Саат сайын температураны жогорулатканга аракет кылып жатабыз. Калкты жылуулук менен камсыз кылуу үчүн талыкпай иштеп жатабыз”, - деди Садыков.