Бир аптада Бишкек мэриясынын “185” ыкчам чара көрүү кызматына 275 кайрылуу түштү

31-майдан 7-июнга чейин Бишкек шаардык мэриясынын “185” ыкчам чара көрүү кызматына 275 кайрылуу жана арыз түштү. Мэриянын басма сөз кызматы билдиргендей, алардын 133ү катталып, 119уна чара көрүлдү. Электр энергиясы менен камсыз кылуу көйгөйлөрү боюнча кайрылуулардын саны 109, көчөлөрдү жарыктандыруу боюнча 3, таза суу менен камсыз кылуу боюнча 4, санитардык тазалоо жана шаарды көрктөндүрүү боюнча 4 кайрылуу келип түшкөн.