Өзбек чек арачыларынын огунан жабыркаган жаран Кыргыз өлкөсүнө өткөрүлдү

Өзбек чек арачыларынын огунан жабыркаган жаран Кыргыз өлкөсүнө өткөрүлдү. Бул тууралуу маалыматты бүгүн, 31-январда Мамлекеттик чек ара кызматынан билдиришти.

Маалыматка караганда, бүгүн Ала-Бука районунун тургуну Асан Үсөнбаевди Кара-Суу районундагы “Достук” бекетинде Өзбекстандын чек ара кызматынан туугандары, Кыргыз чек арачылары жана жергиликтүү бийлик өкүлдөрү болуп өткөрүп алышкан. Кийин дароо Ош облустук ооруканасына жеткирилген.

Айта кетсек, ушул жылдын 27-январь күнү Өзбек чек арачылары Ала-Бука районундагы Ажек калктуу конушунун тургуну 1979-жылы Асан Үсөнбаевди бутка атып, Өзбекстандын аймагына алып кирип кетишкен. Өзбек тарап ал жаран чек арага мыйзамсыз киргенин жана чек арачылардын буйругуна баш ийбей качып жөнөгөндүктөн ок чыгарганын билдиришти.