"Бригада" сериалынын продюсери Павел Майковдун билдирүүсүнө жооп кайтарды

"Бригада" сериалынын продюсери Александр Акопов аталган тасмада роль жараткан актёр Павел Майковдун жергиликтүү гезиттердин бирине берген маегине жооп кайтарды. Бул тууралуу орус басылмалары жазып чыгышты.

Маалым болгондой, продюсер Майковдун билдирүүсүн акылга сыйбаган нерсе катары сыпаттап, сериал коомдогу жаштарды жаман жолго салбастан, тескерисинче аларды кылмыштуулуктан алыс болууга үндөй турганын билдирген.

"Менин оюмча, Майков тасмада аткарган каарманы Пчёла фильмдин соңунда өлтүрүлгөнүн унутуп калса керек. Бул жаш өспүрүмдөргө сабак катары көрсөтүлөт", - деген ал.

Эске салсак, Павел Майков аталган сериалды Орусияга карата жасалган кылмыш деп атап, тасма жаштарды туура эмес жолго үндөй турганын айткан.