Футзал боюнча Азия биринчилиги: Кыргыз курамы Иорданияны 3:1 эсебинде жеңип алды

Бүгүн, 4-февралда футзал боюнча Кыргыз курамы Иорданиянын футболчулары менен кез келди. Анын жыйынтыгында 3:1 эсеби менен Кыргыз курамы жеңишке жетти. Ал оюнда Максат Алимов (8 мүнөт), Манас Абдрасул уулу (11 мүнөт), Адилет Иманбеков (34 мүнөт) атаандаштардын дарбазасына бирден гол киргизишти.

Айта кетсек, Кыргыз курама командасы Азия чемпиондугунун "D" тайпасына туш келип, Иордания, Ливан жана Таиланд курамалары менен күч сынашат. Алар алгачкы беттешин 2-февралда Ливан курамасы менен өткөрүп, оюн 2:2 эсебинде аяктаган. Кийин оюн 6-февралда Таиланд курамасы менен болот.

Башкы машыктыруучусу Амиржан Муканов Азия чемпиондугуна 14 спортчуну чакырган.

Кыргыз курама командасынын тизмеси:

Дарбазачылар: Кирилл Ермолов, Актилек Эсеналиев.

Коргоочулар: Манас Абдрасул уулу, Улан Байгазы уулу, Адилет Иманбеков, Дастан Рысбеков, Келкел Анарбеков, Актай Таштанов , Мирлан Жолдубаев.

Чабуулчулар: Эмил Канетов, Юлдашбай Салимбаев, Арстанбек Турсунов, Адилет Култаев, Максат Алимов.