Кристиан Карамбе: "Келечекте Кыргыз футболчулары Дүйнө чемпиондугуна катышуусу мүмкүн"

Келечекте Кыргыз футболчулары Дүйнө чемпиондугуна катышуусу мүмкүн. Бул тууралуу бүгүн, 5-февралда Бишкекте ФИФА кубогунун бет ачарында Франция курамында 1998-жылы Дүйнө чемпиону болгон Кристиан Карамбе айтты.

"Мен кайрадан Бишкекке келгениме кубанычтамын. Буга чейин бул кооз өлкөгө келгем, бирок бүгүн алгачкы жолу кубокту коштоп келдим. Бишкекке келерде ар түрдүү кыйынчылыктар болду, бирок биз бүгүн бул жакка келе турганыбызга ишенгенбиз. Анткени силер буга татыктуусуңар, өлкөңөрдө футболдун күйөрмандары көп. Таланттуу футболчулар дагы бар. Балким, бир күнү силердин өлкөңөр ушул кубокту жеңип алат", - деди Карамбе.

Айта кетсек, Кристиан Карамбе буга чейин 2013-жылы Бишкек шаарына келип “Алай” жана “Абдыш-Ата” командаларынын беттешине күбө болгон.

Маалымдама: Кристиан Карамбе “Реал Мадрид” командасында ойноп, бир канча чемпиондуктарда “Эң мыкты оюнчу” аталган. Франция курама командасы менен Кристиан Дүйнө чемпиондугун (1998-жылы), Европа чемпиондугун (2000-жылы) жана Конфедерациялар кубогун (2001-жылы) жеңип алган. Азыркы тапта футбол ойноону токтотуп, УЕФАнын расмий элчиси кызматын аркалайт.