Өзбек жараны Түштүк Кореядагы Кыргыз элчилиги олимпиадага келген спортчуларын тосуп алышканын көрүп, өз элчилигине нааразы болду

Өзбек жараны Түштүк Кореядагы Кыргыз элчилиги олимпиадага келген спортчуларын тосуп алышканын көрүп, өз элчилигине нааразы болду. Интернет колдонуучу мындай нааразычылыгын билдирип социалдык тармакка илген.

"Эл аралык "Инчон" аэропортунда Кыргыз элчилигинин өз спортчуларын тосуп алганына күбө болуп, көргөн көз кубанды. Алардан да Олимпиадага 2 эле киши келиптир. Бирок колдоп-кубаттап келген топ желектерди көтөрүп, калпак кийип, спортчуларды бал жана боорсок менен тосуп алышты. Мага дагы "ооз тийиңиз" дешти", - деп жазган ал. Андан ары Өзбек жараны эмне үчүн ушундай эле жылуу кабыл алуу Өзбекстандын элчилиги тарабынан уюштурулбагандыгын сураган. Элчиликке байланышууга аракет жасаганын, ал аракетинен майнап чыкпаганын, жыйынтыгында элчиликтин кайдыгерлигине таң калганын жазган.

Кыргыз өлкөсүнүн Корея Республикасындагы элчилиги кечээ, 6-февраль күнү Пйоңчаң шаарында өтө турган Кышкы Олимпиада оюндарына жөнөп кеткен Кыргыз спортчуларын аэропорттон тосуп алышмак. Кыргыз мамлекети 2 спортчу менен көрсөтүлөт, алар Тариэл Жаркымбаев жана Евгений Тимофеев. Жаркымбаев классикалык кыска аралыктагы лыжа менен жарышка чыкса, Тимофеев гигант слалом жана слалом түрүндө күч сынашат.

Кышкы Олимпиада оюндары 9-25-февраль аралыгында өтөт.