Миллиардер Илон Маск космоско унаасын жеткирди

SpaceX жана Tesla компанияларынын негиздөөчүсү, миллиардер Илон Маск өзүнүн “Tesla Roadster” үлгүсүндөгү кабриолет унаасынын жердин орбитасында жүргөн видеосун жарыялады. Бул тууралуу чет өлкөлүк басылмалар жазышты.

Маалыматтарга ылайык, Илон Маск ракетанын жүк салуучу бөлүгүнө аталган унааны орнотуп, анын ролуна Starman манекенин отургузган. Макстын айтымында, унаа жерден болжол менен 400 миллион чакырым алыстайт жана секундасына 11 чакырым ылдамдыкта учат.

“Эгер ракета старт аянтынан гана учуп, ордунан жарылып кетпесе эле мен муну ийгилик деп эсептейм. Себеби мында 2 миллион килограммдан кичине эле азыраак жарылуучу нерсе бар. Эгер ал зат жарылып кетсе, бул жерде аз эле нерсе калат”, - деп Маск ракетаны учурарда айткан.

"Ракетаны учуруу АКШнын Флорида штатындагы Кеннеди атындагы космостук борбордо орун алган. Учуруунун башкы максаты - ракетанын иш жөндөмдүүлүгүн сынап көрүү болгон. Жүктөрдү жеткирүү үчүн коммерциялык тапшырмалар жок болгондуктан Маск өзүнүн унаасын учурууну чечкен. Ракетанын эки учуруучу бөлүгү жерге ийгиликтүү кайтып келген. Үчүнчү бөлүгү платформадан алыс эмес жайдагы океанга катуу түшүп, талкаланып кеткен", - деп жазышат басылмалар.