Нурлан Жээналиев: "Ата журтчу" 3 депутатка козголгон кылмыш иши мыйзамдуу"

"3-октябрда сыналгыдан митинг тууралуу көп маалыматты көрдүм, андан кийин ИИМ менен УКМКнын кызматкерлери окуя тууралуу арыз жазышты. Мындан улам депутаттар Камчыбек Ташиев, Садыр Жапаров менен Талант Мамытовго кылмыш ишин козгодум”. Бул маалыматты сотто башкы прокурордун мурдагы орун басары Нурлан Жээналиев айтты. Жактоочулар “башкы прокурор Аида Салянова иш сапарга жөнөп жатып бул ишти сизге таштап кеткени мыйзамдуубу?” деп сурады эле “буйрук деген буйрук. Бул иштин баары мыйзамдуу” деди Жээналиев. Айта кетсек, бүгүн, 10-июнда Бишкек шаардык сотунда “ата журтчу” 3 депутат боюнча кезектеги сот иши улантылып жатат.