Супер-Инфо
super.kg видео
Түштүк Кореядагы Олимпиада оюндары өтчү жайда Кыргыз желеги салтанаттуу көтөрүлдү
Түштүк Кореянын Пйоңчаң шаарында олимпиада оюндары өтчү жайда Кыргыз Республикасынын мамлекеттик желеги салтанаттуу көтөрүлдү. Бул тууралуу Жаштар иштери, дене тарбия жана спорт агенттиги билдирди.
Иш-чарага Улуттук олимпиадалык комитетинин мүчөлөрү, машыктыруучулар жана спортчулар катышты. Эртең, 9-февралда XXIII Кышкы Олимпиада оюндарынын салтанаттуу ачылыш аземи орун алат. Анда Кыргыз туусун Тариэл Жаркымбаев көтөрүп чыгат.
Эске салсак, Кышкы Олимпиада оюндары Түштүк Кореянын Пйоңчаң шаарында 9-25-февраль аралыгында өтөт. Анда Кыргыз мамлекети 2 спортчу менен көрсөтүлөт. Тариэл Жаркымбаев классикалык кыска аралыктагы лыжа менен жарышка чыкса, Евгений Тимофеев гигант слалом жана слалом түрүндө күч сынашат.
Буга чейин Түштүк Кореядагы мекендештер Кыргыз өлкөсүнөн барган Олимпиада оюнчуларын кызуу тосуп алышканы маалымдалган.
Кыргыз спортчулар катыша турган мелдештин тизмеси (Бишкек убактысы боюнча):
- 13-февраль: Тариэл Жаркымбаев, лыжа менен жарышуу - 15:34;
- 18-февраль: Евгений Тимофеев, гигант слалом - 13:15-15:15, 16:45-18:25;
- 22-февраль: Евгений Тимофеев, слалом - 13:15-14:30, 16:45-18:25.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
чоң окшойт же баштары кичинекей)))