Футзал боюнча Европа чемпиондугу: Казакстан жана Орусия жарым финалда жеңилүү ызасын тартып, эми коло байге үчүн күч сынашат

Словениянын Любляна шаарында өтүп жаткан футзал боюнча Европа чемпиондугунда Казакстан менен Орусиянын курама командалары атаандаштарына жеңилип, эми коло медаль үчүн күч сынашат.

Казакстан - Испания

Европа чемпиондугунун жарым финалдык баскычында Казакстан курама командасы Испания курамасына туш келген. Атаандаштар 2 таймдын жыйынтыгында 4төн гол киргизип, негизги убакытта жеңүүчүнү аныктай алган жок. Кошумча убакытта командалар 1ден гол киргизип, эсеп 5:5 болду. Курама командалар жеңүүчүнү пенальтилер сериясында аныктамай болушту.

Пенальтилер сериясында учурдагы Европа чемпиондору Испания курамасы казакстандык спортчулардан таамай болуп, 6:5 эсебинде жеңишке жетти.

Орусия - Португалия

Европа чемпиондугунун экинчи жарым финалдык беттеште Орусия курама командасы Португалия менен кез келди. Эсеп санын 1-таймдын 4-мүнөтүндө Орусия курамасы Эдер Лиманын голу менен ачты. Буга Португалия курама командасы 2-таймда гана жооп кайтара алды. 31-мүнөттө Андре Коэлью эсепти тең кылса, 36-мүнөттө командасын алдыга чыгарды. Ал эми 39-мүнөттө Португалиянын оюнчусу Бруно Коэльюнун эсепти 3:1 кылды. Буга Орусия курама командасы 1 гол менен гана жооп бере алды. Оюндун аяктаарына 1 мүнөт калганда Эдер Лима айырмаланганга жетишип, эсепти 3:2 кылды.

Муну менен Португалия менен Испания курама комадалары футзал боюнча Европа чемпиондугунун финалына өтсө, Орусия менен Казакстандын курамалары 3-орун үчүн күч сынашат. Финалдык жана 3-орун үчүн беттештер эртең, 10-февралда өтөт.