Феминист Вена балында Украинанын президентинин алдында чечинди

"Femen" кыймылынын активдүү мүчөсү Алиса Виноградова Вена балында Украинанын өлкө башчысы Пётр Порошенконун алдында үстүндөгү кийимин чечип салган. Бул тууралуу жергиликтүү басылмалар жазып чыгышкан.

Маалым болгондой, кыздын төшүндө "Poroshenko, get the *** out of the Ball!" (Порошенко, балдан жогол!) деп жазылган.

"Бул иш-аракеттин негизги максаты аристократтардын кечесинде өз өлкөсүнүн жарандарынын канын төккөн, паракор адамга орун жок экенин көрсөтүү болуп саналат", - деп билдирген ал.

Вена балы - жыл сайын өтүүчү кече. Кече Австриянын борбор шаарында ноябрь айында башталат. Бул мезгилден тарта өлкөдө ар кандай кечелер уюштурулат, алардын ичинен эң негизгиси болуп Венадагы Опера театрында өткөн бал эсептелет.