Депутат Турсунбай Бакир уулу педофилдер мунапыс аркылуу эркиндикке чыкпашы керектигин айтты

Бүгүн ЖКнын депутаты Турсунбай Бакир уулу Кыргызстанда жашы жете элек өспүрүмдөрдү зордуктап камалган жарандарды мунапыс аркылуу бошотуп жиберүү туура эмес экенин айтып чыкты. Эл өкүлү педофилдерге жазаны күчөтүп, аларды 20 жылга чейин камап салуу сунушун айтты. Жыл сайын жаш балдарды зордуктоо фактылары көп катталып жатканын айткан эл өкүлү андай мыкаачылар социалдык же медициналык мекемелерде, мектеп жана бала бакчаларда иштебеши керектигин да белгиледи.