Орусиянын президентин шайлоого добуш берүү үчүн Кыргыз жеринде 6 шайлоо тилкеси ачылат

Орусиянын президентин шайлоого добуш берүү үчүн Кыргыз жеринде 6 шайлоо тилкеси ачылат. Бул тууралуу Орусиянын Кыргыз мамлекетиндеги элчилигинен кабарлашты.

Маалым болгондой, шайлоо тилкелери Бишкек, Ош, Кант, Каракол, Кара-Балта жана Чолпон-Ата шаарларында ачылат. Ага ылайык, Орусиянын жарандары шайлоо күнү аталган шаарларга барып добуш бере алышат.

Ал эми шайлоо тилкелерине барууга мүмкүнчүлүгү жоктор болсо, убактылуу добуш берүүнүн мөөнөтү бүтүшүнө 6 саат калган убакытка чейин шайлоо комиссияларына билдирүү жиберүүсү керек. Ага аты-жөнүн, жашаган дарегин, телефон номурун жана эмне себептен бара албастыгын жазуусу керек.

Белгилей кетсек, Орусиянын президенттик шайлоосу 18-мартта өтөт. 8-февралда Орусиянын Борбордук шайлоо комиссиясы президенттик шайлоого ат салыша турган 8 талапкердин тизмесин жарыялады.