Кышкы Олимпиада оюндары: Муз үстүндө бийлөө боюнча жеңүүчүлөр аныкталды

Бүгүн, 15-февралда Түштүк Кореянын Пйоңчаң шаарында XXIII Кышкы Олимпиада оюндарында спорттун 13 түрү боюнча мелдеш өтүп, анын 7 түрүндө медалдар ойнотулууда. Азыркы тапта муз үстүндө бийлөө боюнча жеңүүчүлөр аныкталды.

Бул мелдеште жалпы 16 команда күч сынашты. Анда алтын медалдын ээлери германиялык Алёна Савченко жана Бруно Массо болду, алар 235,90 упай топтоп 1-орунду ээлешти. 235,47 упай топтогон кытайлык Суй Вэньцзин жана Хань Цун күмүш медаль жеңип алышса, канадалык Меган Дюамель жана Эрик Рэдфорд 230,15 упай топтогонго жетишип, 3-орунду камсыздашты.

Жалпы командалык эсепте азыркы тапта Германия курама командасы 8 алтын, 2 күмүш жана 3 коло медаль менен алдыда келе жатат. 2-орунда Голландия курама командасы (5 алтын, 4 күмүш жана 2 коло медаль), 3-орунда 4 алтын, 1 күмүш жана 2 коло медалдын ээси АКШ курама командасы жайгашууда.