Дарыгер: "Денесинин 60 пайызы күйүп калган Аруукенин ден соолугу начарлап кетти"

Кайнак суу төгүлүп денесинин 60 пайызы күйүп калган 3 жаш 7 айлык Аруукенин ден соолугу начарлап кетти. Бул тууралуу бүгүн, 15-февралда 4-клиникалык оорукананын күйүк бөлүмүнүн дарыгери Каныбек Иманалиев билдирди:

Анын айтуусуна караганда, Аруукеге операция качан жасалары эртең аныкталат.

"Азыр операцияга даяр эмес, ата-энеси үйүнө чыгарып кеткенден кийин ден соолугу начарлап кетиптир. Андан сырткары тубаса жүрөк кемтиги да бар экен. Операция качан жасалары эртең аныкталат", - дейт дарыгер.

Айта кетсек, буга чейин 3 жаш 7 айлык Аруукеге кайнак суу төгүлүп, борбордогу 4-клиникалык оорукананын күйүк бөлүмүнө жаткырылгандыгы тууралуу эжеси билдирген.

Анын ден соолугунан кабатыр болгондор ага акча чогултушуп, бирок аны ата-энеси кызына жумшоодон баш тартып жаткандыгы айтылып, эжеси чогулган акча Аруукенин дары-дармегине коротулуп жатканын кабарлаган болчу.