Зарылбек Итибаев: "Кыргызгидромет алдыңкы 10 күндүн аба ырайын так айтып бере алат"

Кыргызгидромет азыркы убакта алдыңкы 10 күндүн аба ырайын так айтып бере алат. Бул тууралуу бүгүн, 16-февралда Өзгөчө кырдаалдар министрлигинин коллегиясында Кыргызгидрометтин жетекчиси Зарылбек Итибаев билдирди.

Өзгөчө кырдаалдар министри Кубатбек Боронов Кыргызгидрометтин кызматкерлерин чет элге жумуштук сапарга эң көп чыккандыгы үчүн сынга алып, ар кандай семинарларга жана конференцияларга катышып келгенинин жыйынтыгы кандай болуп жатканына кызыкты.

Зарылбек Итибаевдин айтымында, кызматкерлердин мындай чет элдик жумуштук сапарга чыккандыгы иштерине жакшы таасирин тийгизүүдө.

"Эгерде биз мурун алдын-ала 3-5 күнгө аба ырайынын кандай боло турганын айта алсак, азыр 10 күнгө так маалымат бере алабыз. Ал эми 1 айга болжолдуу маалымат беребиз. Ошондой эле Илимдер академиясы менен биргеликте иш алып барып, гидрологиялык жана агрометеорологиялык божомолдорду жазып жатабыз", - дейт Итибаев.