Ош. “2010-жылкы Июнь каргашасындай окуялар мындан ары кайталанбасын” дешет тургундар

Ош шаарынын тургундары мындан 3 жыл мурун болгон Июнь каргашасы мындан ары кайталанбаса экен деген тилекте. Анар кичи районунун тургуну Розагүл Касымова учурда жергиликтүү бийлик тарабынан жабырлануучуларга жардам берилгенин, эки улут ынтымактуу жашап жатканын айтат.

"Адамдар эч качан бири-бирин жоготпосун, мындай окуя башка кайталанбасын. Чогуу жашап жатабыз, баарыбыз доспуз, өткөн окуялар эстен чыгып жатат",- дейт ал.

Ал эмиТиленбай Маматбеков аттуу шаар тургуну буларды айтты:

“Азыр элдин маанайы жакшы,  мурдагыдай сен өзбек, мен кыргыз демей жок. Эл арасында түшүндүрүү иштерин жүргүзүп жатабыз. Урушкан жаштарды жараштырабыз, кыргызы да, өзбеги да кимдин ким экенин билди”.