"Электр станциялары" ишканасынын башкы директорунун биринчи орун басары Боркоев кызматынан бошотулду

"Электр станциялары" ишканасынын башкы директорунун биринчи орун басары Бердибек Боркоев кызматынан бошотулду. Бул тууралуу SUPER.KG'ге аталган ишкананын маалымат кызматынан билдиришти.

Маалым болгондой, буйрукка 6-февралда кол коюлган. Ал эми учурда анын ордуна эч ким дайындала элек.

Белгилей кетсек, Бишкек ЖЭБинде авариялык кырдаалдан улам Бердибек Боркоевдин жана ЖЭБдин директору Нурлан Өмүркул уулунун ээлеген кызматтарына дал келүүсү боюнча маселени карап чыгуусун сунуштоо чечимин кабыл алган. Ага ылайык, Нурлан Өмүркул уулу кызматынан убактылуу бошотулуп анын ордуна Таалайбек Бектенов дайындалган болчу.