Орусияда бала бакчанын тарбиячысы 3 жаштагы кызды сыртта унутуп кетип наристе тоңуп калды

Орусиядагы бала бакчалардын биринин 3 жаштагы тарбиялануучусу сейилдөөдөн кийин ойногон жеринде тоңуп, чарчап калган. Бул тууралуу жергиликтүү басылмалар жазып чыгышты.

Маалыматка караганда, 16-февраль күнү эртең менен саат 9:00дөр чамасында бала бакчанын тарбиячысы балдарды сейилдетүү үчүн сыртка алып чыккан. Андан кийин баары кайра бакчага кайтып келип, эртең мененки тамактанууга отурушкан. Ошол учурда бакчанын кызматкерлери балдардын бири жок экенин байкашкан.

Алар наристени издей башташкан. Кайрадан сыртка чыгып эртең менен сейилдеген жайлардан калың кардын арасынан тоңуп жаткан кыздын жансыз денесин табышкан. Бул мезгилде сааттын жебеси 11:00 болчу.

Айрым маалыматтар боюнча, кыз сыртта ойноп жаткан мезгилде эле өзүн жаман сезип, жыгылып калган болушу мүмкүн. Аны тарбиячылар байкабай бакчага кайтып кетишкен.

Укук коргоо органдарына кыздын атасынын билдиришинче, кызынын эч кандай оорусу жок болгон, мындан мурдараак кызынын денесинен ойноп жатып жыгылгандан калган көгөргөн жерлерди байкашкан. Акыркы убакта кызы "бала бакчага барбайм" деп ыйлап, чыргоолонуп жүргөн. Ата-энеси алар кызыбызды ошол жерге унутуп таштап кетишип, көп убакытка чейин эстешкен эмес деп божомолдошууда.

Бул иш боюнча "шалаакылык" беренеси менен кылмыш иши козголуп, иликтөө иштери жүрүп жатат.