Кышкы Олимпиада оюндары: 18-февралда кышкы спорттун алты түрү боюнча медалдар топтому ойнотулат

Бүгүн, 18-февраль күнү Түштүк Кореянын Пйоңчаң шаарында өтүп жаткан Кышкы Олимпиада оюндарында спорттун 10 түрүнөн мелдештер уланат.

Ошондой эле гигант слалом, слоупстайл, лыжа эстафетасы, биатлондун масс-старт, фристайлдын акробатика түрүнөн жана коньки менен чуркоо боюнча медалдар топтому ойнотулат.

Жалпы командалык эсепте азыркы тапта Германия курама командасы 9 алтын, 4 күмүш жана 4 коло медаль менен алдыда келе жатат. 2-орунда Норвегия курама командасы (7 алтын, 8 күмүш жана 7 коло медаль), 3-орунда 6 алтын, 5 күмүш жана 2 коло медалдын ээси Голландия курама командасы жайгашууда.