Сапар Исаковго Кыргыз жеринде таэквондо спортунун өнүгүшүнө кошкон салымы үчүн кара кур жана жетинчи дан ыйгарылды

Сапар Исаков премьер-министрдин Кубогуна арналган таэквондо боюнча турнирге катышты. Турнир Кореядан Кыргыз өлкөсүнө келген делегациянын сапарынын алкагында өтүүдө. Делегациянын катарында таэквондо боюнча үч жолку Дүйнө чемпиону, 2012 жана 2016-жылдары өткөн Олимпиада оюндарынын байгелүү орундарынын ээси Ли Дэ Хун да келген. Иш-чаранын жүрүшүндө өкмөт башчы Сапар Исаковго Кыргыз жеринде таэквондо спортунун өнүгүшүнө кошкон салымы үчүн кара кур жана жетинчи дан ыйгарылды.

"Премьер-министрдин Кубогу бул дүйнөлүк таэквондо кыймылына мүчө экенибизди далилдеп турат. Учурда 200дөн ашык өлкө спорттун бул түрүн пропаганда кылып жатат. Ал ар бир адамды мекенди сүйүүгө жана патриотизмге тарбиялайт", - деди Исаков иш-чаранын жүрүшүндө.

Турнирдин алкагында Кыргыз өлкөсүнүн, Кореянын жана Казакстандын спортчулары күч сынашат.