Роналдунун 11 метрлик "сыйкырдуу" соккусу

Өткөн жумада, тагыраагы 14-февралда Чемпиондор лигасынын 1/8 финалдык баскычындагы "Реал Мадрид" жана "ПСЖ" командаларынын ортосунда болгон биринчи оюндагы Роналдунун "ПСЖ" командасына киргизген 11 метрлик голу интернетте кызуу талкууларды жаратты.

Анда Роналду 11 метрлик айып тобун теберде топ жерден бир канча миллиметр көтөрүлгөн. Муну айрымдар Роналдунун чеберчилиги десе, айрымдар кокустук деп баалашкан.

Бул тууралуу Роналдунун мурунку командасы "Манчестер Юнайтедде" бирге ойногон Рио Фердинанд да өз оюн билдирген. "Бул ыкмада сокку узатуу топтун ылдамдыгын күчөтөт, тирөөч бут түшкөн газон кыймылга келгенде топ жерден бир канча миллиметр көтөрүлөт, мындай соккуну Роналду Юнайтедде машыгуу учурунда жасаган. Мындай сокку узатуу акылга сыйбай турган нерсе", - деген Роналдунун мурунку командалашы Фердинанд.

Бул беттеште "Реал" өз үйүндө "ПСЖ" жаатын 3:1 эсебинде жеңип алган.