Египетте күйөөсү шаурма алып бербей койгондугу үчүн жаш келин ажырашууга арыз жазды

Египетте үйлөнгөнүнө 40 күн болгон жаш жубайлардын ажырашуусуна шаурма себеп болгонун чет элдик маалымат каражаттары жазды.

Ага ылайык, жаш келиндин айтуусунда, жолдошу өтө эле зыкым болуп, шаурма алып берүүдөн баш тартканы ажырашуунун негизги себеби болгон. Эки жаш ата-энелеринин макулдугу менен баш кошкон. Үй-бүлөлүк жашоо башталганда жолдошу жакшы мамиле кылып жүргөн. Бирок көп өтпөй жубайы анын чогуу сейилдеп келүү сунуштарынан күйөөсү баш тартып, ага болгон мамилеси салкындап баратканын байкаган.

"Салтка ылайык, биз ата-энебиздин макулдугу менен таанышып, баш кошконго чейин бир эле жолу көрүшкөнбүз. Бирок бир жолку жолугушууда ал адамдын зыкым экенин байкаган эмесмин. Тоюбуз өткөндөн кийин анын өтө сараң экенин билдим", - деген жаш келин.

Жолдошун сейилдөөгө көндүргөн күнү келин курсагы ачып кеткенин айтып, шаурма алып берүүсүн суранган. Бирок күйөөсү суусундук алып бергенин айтып, кайра-кайра акча коротпоону эскертип, шаурма алып берүүдөн баш тарткан. Мындан улам жаш келин ажырашууга бел байлаган. Учурда келиндин арызы кабыл алынып, жакынкы күндөрү сот отуруму болору күтүлүүдө.