ЮНИСЕФ ымыркайдын өмүрү үчүн эң коркунучтуу өлкөнү атады

БУУнун Балдар фонду Пакистанды жаңы төрөлгөн ымыркайлар үчүн эң коркунучтуу өлкө деп атады. ЮНИСЕФтин тараткан маалыматына таянып чет элдик басылмалар жазгандай, аталган өлкөдө ар бир төрөлгөн 1000 баланын 46сы бир айга жетпей чарчап калат.

Пакистанда ар бир төрөгөн аял эле төрөт учурунда дарыгерлердин жардамын ала бербейт, анткени 10 миң аялга билимдүү 14 дарыгер туш келет. Бул көрсөткүч 2011-жылдарга салыштырмалуу дарыгерлердин көзөмөлүндө төрөгөндөрдүн саны 21 пайыздан 48 пайызга чейин өскөндөгү жыйынтыгы. Пакистан саламаттыкты сактоого ички дүң өнүмүнүн 1 гана пайызын бөлгөндүгү көп учурда сындалып келет.

Пакистандан кийин ымыркайлардын жашап кетиши үчүн коркунучтуу өлкө деп - Борбордук Африка Республикасы, Ооганстан табылган. Андагы токтобогон жаңжалдар, жакырчылык жана алсыз медициналык мекемелер балдардын өлүмүнүн көп катталуусуна алып келет. ЮНИСЕФтин бул багыттагы докладында эгер эне-балага өз учурунда тиешелүү медициналык жардамдар көрсөтүлүп, жакшы тамактандырып, таза суу менен камсыздаса, миллиондогон ымыркайлардын өмүрүн сактап калууга болору жазылган. Балдардын 80 пайызы сепсис, пневмания, менингит ооруларынын кесепетинен чарчап калат.