Аскарбек Шадиев: "Кыргызгаздын" бир долларга сатылганы туура чечим болгонун бүгүн эч ким айтпай жатат"

"Кыргызгаздын" бир долларга сатылганы туура чечим болгонун бүгүн эч ким айтпай жатат", - деп бүгүн, 21-февралда Өнөр жай, энергетика жана жер казынасын пайдалануу мамлекеттик комитетинин коллегиялык жыйынында биринчи вице-премьер-министр Аскарбек Шадиев айтты.

"Бишкек жылуулук электр борборунда авария болгондо биз, баарыбыз "Кыргызгаздын" бир долларга сатылганы туура чечим болгонуна күбө болдук. Эгер саясий чечим болбогондо, биз бир долларга бербегенде, маселе мындан да оор болмок. Бүгүн бул тууралуу эч ким айтпай жатат. Ошол учурда көп адамдар бул чечим туура эмес деп айтып чыгышкан. Бүгүн алар өз жаңылыштыгын моюнуна алып, туурасын айтпай жатышат. Анткени ЖЭБде авария болгондон улам 25-29-январда шаарда газ пайдалануу 40 пайызга жогорулаган", - деди Шадиев.