Нарын. Нарын районунун аймагына жаңы шаарча курулат

Жогорку Нарын ГЭС каскадынын курулушу башталган соң Нарын районундагы Орток айылына караштуу аймакка жаңы шаарча курулат. Бул тууралуу аталган райондун акими Түгөлбай Жаанбаев 12-июнда Жогорку Нарын ГЭС каскадынын курулушунун башталышына арналган иш-чарада билдирди. Шаарча 67 гектар аянтты ээлейт. Ал эми жаңы ГЭСтер курулуп калса, облустун жүздөгөн тургундары да иш менен камсыз болмокчу. Айта кетсек, бүгүнкү иш-чарага президент Алмазбек Атамбаев баштаган бийлик жетекчилери жана "РусГидро" ишканасынын өкүлдөрү катышып жатат.