Бишкек ЖЭБиндеги авария боюнча түзүлгөн депутаттык комиссиянын иштөө мөөнөтү 1-апрелге чейин узартылды

Бүгүн, 22-февралда Жогорку Кеӊеш Бишкек ЖЭБинде болгон авариянын себептерин иликтөө боюнча убактылуу депутаттык комиссиясынын иштөө мөөнөтүн 1-апрелге чейин узартты. Буга комиссияга кирген депутаттар иликтөө материалдары көп болуп жаткандыгын негиз кылууда.

Бул боюнча депутаттык комиссиянын төрагасы Улан Примов сунуштаган.

Эске салсак, 26-январда Бишкек ЖЭБинде авария болуп, шаардагы үйлөргө берилген жылуулук 7 күнгө төмөндөгөн. 386 миллион долларлык ЖЭБдин курулушу, ЖЭБдеги авария, өкмөттүн күз-кыш мезгилине даярдыгын иликтеп чыгуу боюнча парламентте депутаттык комиссия түзүлгөн.

Депутаттык комиссиянын курамына төмөнкүлөр кирет:

"Өнүгүү-Прогресс" фракциясынан - Исхак Масалиев;

КСДП фракциясынан - Төрөбай Зулпукаров, Данияр Аттокуров, Аида Касымалиева, Улан Примов, Аалы Карашев;

"Бир Бол" фракциясынан - Мыктыбек Абдылдаев;

"Ата Мекен" фракциясынан - Сайдулла Нышанов;

"Республика-Ата Журт" фракциясынан - Айбек Алтынбеков, Акылбек Жамангулов, Умбеталы Кыдыралиев;

"Кыргызстан" фракциясынан - Исланбек Сарсейитов, Алмазбек Токторов.