Бишкектин Абдрахманов көчөсүндө 3 маршруттук такси сүзүшүп, 7 адам жабыркады

Бишкектин Абдрахманов көчөсүндө 3 маршруттук такси сүзүшүп, жол кырсыгынын кесепетинен 7 адам жабыркады. Бул тууралуу SUPER.KG порталына Жол кыймылынын коопсуздугун камсыздоо боюнча башкармалыктын басма сөз кызматы билдирди.

Белгилүү болгондой, аталган көчөдө жайгашкан көпүрөнүн алдында №100, №145 жана №130-маршруттук таксилер сүзүшкөн.

"Жол кырсыгы көпүрөнүн алдында болгон. Анда 3 маршруттук такси тең Бөкөнбаев көчөсү тарапка бара жаткан. Учурда жол кырсыгы эмнеден улам келип чыккандыгы такталууда. Алдын ала маалыматтар боюнча кырсык ортодогу аралыкты сактабагандан улам жаралган", - деп билдирди аталган башкармалыктын басма сөз кызматы.

Ошондой эле кырсыктан жалпы 7 адам жабыр тарткандыгын, алардын ичинен 4 адам 4-шаардык ооруканага жиберилсе, 3 бала №3-балдар ооруканасына жеткирилгендигин айтып, жабыр тарткандар жеңил жаракаттарды алышкандыгын жана учурда абалдары жакшы экендигин кошумчалашты.