Мэрди эл шайлашы керектигин депутат Өмүрбек Абдрахманов билдирди

“Мэрди эл өзү шайлаш керек”,- деди бүгүн, 12-июнда ЖКнын жыйынында депутат Өмүрбек Абдрахманов. Айтымында, эл шайламайынча мэр калкка кызмат кылбайт. “Президентти, парламентти шайлаган эл мэрди шайлай албай калмак беле? Оштун мэри жакшы иштеп жатат, себеби бийликке ал баш ийбейт. Элинин кызыкчылыгы үчүн иштеп жатат, ал эми Бишкектин мэри Ак үйдүн айланасында чуркап жүрөт, себеби президент тарабынан шайланган. Ошондуктан Бишкектин көчөлөрүнөн унаа жүрө албай калды”,- деди эл өкүлү.