Конор Макгрегор чемпиондук курунан кол жууйт

UFC уюму Конор Макгрегорду жеңил салмактагы чемпиондук курунан ажыратат. Мындай маалыматты жалпыга маалымдоо каражаттарына аталган уюмдун президенти Дэйна Уайт билдирген.

“Акыркы маалымат жыйында мен Хабиб Нурмагомедов менен Тони Фергюсондун беттеши убактылуу наам үчүн эмес, чыныгы чемпиондук кур үчүн болот деп айткам. Биз Конордон чемпиондук наамды алып коёрубузду өзү да билет. Ал көп акча тапты, ошондуктан эс алгысы келип жатат окшойт. Бирок биздин жеңил салмактагы дивизион бир орунда турбашы керек.

Фергюсон менен Нурмагомедовдун беттешинде кимиси жеңишке жетсе Конор аны менен августта же сентябрь айында беттешерине ишенгим келет. Эгер Конордун Флойд Мэйвезер менен болгон беттештен тапкан 100 миллион долларын эске алсак, ал келбей да коюшу мүмкүн”, - деген Дэйна Уайт.