Япондор сасык тумоонун вирусун 1 күндө жок кылуучу дары ойлоп табышты

Япондор сасык тумоонун вирусун 1 күндө жок кылууга күчү жете турган дары ойлоп табышты. Бул жөнүндө чет элдик басылмалар жазып чыгышты.

Маалым болгондой, Япониянын дары жасоочу фармацевтикалык компанияларынын бири сасык тумоону 1 күндө 1 таблетка менен жок кылуучу дары ойлоп табышкан. Аны аталган өлкөнүн Саламаттыкты сактоо, социалдык камсыздоо жана эмгек министрлигине дары жасоочу ишкана ушул жылдын 23-февралында сунуштаган. Жыйынтыгында аталган дарыны сатыкка чыгарууга уруксат берилип, май айынан тарта сатыла баштай турганы белгилүү болгон. Ошондой эле компаниянын кызматкерлери дарыны ичүү дозасы бейтаптын жашынан жана салмагынан көз каранды экенин баса белгилешкен.