Ысык-Көл. 15-июнда Пристань-Пржевальск шаарчасындагы көл жээгинин ачылышы болот

Ысык-Көл облусунун Пристань-Пржевальск шаарчасындагы көл жээгинин ачылышы 15-июнда болот. Бул тууралуу Каракол шаарынын  вице-мэри Гүлназ Орозова билдирди. Маалыматка таянсак, иш-чарада  жаштар арасында волейбол, футбол, кум үстүндө күрөшүү  жана башка спорт оюндары уюштурулат. Мелдештеги жеңүүчүлөр мэрдин кубогу, диплом, медалдар менен сыйланышат. "Мындан сырткары иш-чара концерттик программа менен коштолуп, ага шаардык Маданият үйүнүн кызматкерлери катышат”- дейт Орозова.