Америкалык актриса Барбара Стрейзанд өлгөн итинин клонун багууда

Америкалык ырчы, актриса, продюсер жана коомдук активист Барбара Стрейзанд учурда өлгөн итинин 2 клонун багып жатат. Бул тууралуу чет элдик басылмалар жазып чыгышты.

Маалым болгондой, анын жаңы эки итинин сырткы көрүнүшү мурунку итине куюп койгондой окшош. Тактап айтканда, актрисанын Саманта деген итинин өлгөнүнө бир жыл болгон. Анын породасы котон-де-тулеар. Ити 14 жашка чыкканда анын клонун жасоо үчүн ашказанынан клетка алынып, 2 клону жасалган. Алар - Мисс Скарлетт жана Мисс Вайолет. Актриса иттерине кадимкидей кийим кийгизип, сейилдөөгө чыкканда гүлдүү каргысын тагат.

Белгилей кетсек, котон-де-тулеар породасындагы иттер тукумунун мекени - Мадагаскар аралы. Мындай породадагы иттер кичинекей келишет. Жүнү ак, жумшак анан да оюнкараак, акылдуу, кыймылдуу болушат. Алар 14-16 жыл жашап, салмагы 4-6 килограммды түзөт.