Жалал-Абад. Ден соолугунун мүмкүнчүлүгү чектелүү балдарга арналган семинар болот

14-15-июнь күндөрү Жалал-Абад облусундагы "Арстанбап" пансионатында "Ден соолугунун мүмкүнчүлүгү чектелген балдарды социалдык жактан коргоо жана аларга жалпы билим берүүнү   жакшыртуу" долбоорунун алкагында республикалык семинар өтөт.

"Иш-чаранын жүрүшүндө Бишкек, Ысык-Көл, Талас, Ош, Нарын, Жалал-Абад облустарынан келген коноктор тажрыйба алмашышат. Ден соолугунун мүмкүнчүлүгү чектелген балдар коомго аралаша албай келишет. Аларды жаңы окуу жылына даярдап, психологиялык, медициналык, педагогикалык кеңештерди берүүнүн эрежелери тууралуу семинар өтөт",- деп билдирди Жалал-Абад шаардык  "Данакер" коомунун төрайымы Айжамал Тарыхчиева.  Иш-чара Евразия жана Борбордук Азия фонддорунун колдоосу менен өтүүдө.