Грек-рим күрөшү боюнча Кыргыз өлкөсү Азия чемпиондугунун командалык эсебинде биринчи орунду алды

Кыргыз өлкөсүнүн грек-рим боюнча улуттук курама командасы Бишкекте өтүп жаткан Азия чемпиондугунун командалык эсебинде 1-орунду алды. Грек-рим күрөшү боюнча жалпы 10 медаль топтомдору ойнотулган.

Кыргыз балбандары 8 медаль тагынышты, алар 1 алтын, 3 күмүш жана 4 коло медаль. Жыйынтыгында 157 упай топтоп, командалык эсепте алдыга эч кимди чыгарышкан жок.

2-орунда 156 упай менен Казакстан курама командасы жайгашты, казак балбандар 2 алтын, 1 күмүш жана 4 коло медаль тагынышты.

3-орунда 148 упай менен Өзбекстандын спортчулары жайгашты, өзбек спортчулары 1 алтын, 2 күмүш жана 3 коло медаль жеңип алышты.

Медалдарга жетишкен Кыргыз балбандар:

Акжол Махмудов (72 килограмм) - алтын медаль;

Атабек Азисбеков (82 килограмм) - күмүш медаль;

Жоламан Шаршенбеков (55 килограмм) - күмүш медаль;

Урмат Аматов (63 килограмм) - күмүш медаль;

Каныбек Жолчубеков (60 килограмм) - коло медаль;

Азат Бейшебеков (87 килограмм) - коло медаль;

Үзүр Жузупбеков (97 килограмм) - коло медаль;

Мурат Рамонов (130 килограмм) - коло медаль.