ЖЫЛНААМА, 1-МАРТ: "Кучак толо гүлдөргө чөмүлүп калдым" дейт 46 жашка толгон Салтанат Саматова

Бүгүн, 1-мартта алып баруучу, ди-джей, тамада Салтанат Саматова 46 жашка толду. 20 жылдан бери медиа тармагында эмгектенип келген айымды SUPER.KG порталы туулган күнү менен куттуктап байланышты.

"Туулган күнүм адаттагыдай эле үй-бүлөмдүн, санаалаштарымдын жана туугандарымдын курчоосунда өтүп жатат. Ар бири оригиналдуу белектерин тартуулап, жылуу сөздөрүн айтышты. Кучак толо гүлдөргө чөмүлүп калдым. Куттуктап келгендердин аягы суюлбай, үйүбүзгө меймандар келип жатышат", - деп билдирди.

Салтанат Саматова 1972-жылы 1-мартта Бишкек шаарында төрөлгөн. Ал Мукаш Абдраев атындагы музыкалык мектепти аяктап, Ишеналы Арабаев атындагы КМУнун музыкалык факультетин бүтүргөн. Алгач радиодо ди-джей катары таанылып баштаган. Андан кийин телеалпаруучулук кызматты аркалаган. Учурда коомдук иш-чараларды жана “Акыл Ордо” теледолбоорун алып барат.

1-мартка карата жылнаама.