Мьянма жана Индия менен өтчү беттештерге Кыргыз футболчуларынан кимдер чакырылды? (тизме)

Футбол боюнча Азия кубогунун тандап алуу оюндарынын алкагында Мьянма жана Индия менен беттештерде ойной турган Кыргыз өлкөсүнүн кеңейтилген курамасы белгилүү болду. Бул тууралуу Кыргыз Республикасынын Футбол федерациясы билдирди.

Маалыматка ылайык, Мьянма менен оюн 22-мартта Түштүк Кореянын Инчхон шаарында өтөт, 27-мартта Бишкек шаарында Индия курамасына каршы беттеш өтөт. Башкы машыктыруучу Александр Крестинин машыгууга 27 футболчуну чакырды.

Футболчулар 15-марттан тарта Түштүк Кореяда окуу-машыгуу жыйындарын өткөрүшөт.

Улуттук команданын курамысы:

Дарбазачылар: Павел Матяш ("Алмалык", Өзбекстан), Валерий Кашуба ("Дордой"), Калыс Акималиев ("Абдыш-Ата").

Коргоочулар: Азамат Байматов ("Борнео", Индонезия), Курсанбек Шератов, Тамирлан Козубаев, Бахтияр Дүйшөбеков, Аскарбек Салиев, Авазбек Откеев, Дэниэл Тэго (бардыгы "Дордой" футболдук клубунан), Аманбек Маныбеков ("Абдыш-Ата"), Ильяз Алимов ("Алай"), Виктор Майер ("Виденбрюк", Германия);

Жарым коргоочулар: Павел Сидоренко, Азиз Сыдыков, Ислам Шамшиев, Муролимжон Ахмедов, Азим Азаров, Кайрат Жыргалбек уулу, Сүйүнбек Мамыралиев (бардыгы "Дордой" футболдук клубунан), Одилжон Абдурахманов ("Алай"), Фархат Мусабеков ("Футбол борбору" футболдук клубунан), Антон Землянухин ("Атырау" Казакстан), Эдгар Бернхардт ("Тычи", Польша);

Чабуулчулар: Виталий Люкс ("Унтерхахинг", Германия), Мирлан Мурзаев ("Серик Беледиеспор", Түркия), Бекжан Сагынбаев ("Дордой").