super.kg logo
  Саясат  

БШК Фархат Иминовду депутаттык мандатынан ажыратты

 

Борбордук шайлоо комиссиясы Жогорку Кеңештеги “Республика-Ата Журт” фракциясынан депутат Фархат Иминовдун ыйгарым укуктарын токтотту. Мындай чечимди БШКнын мүчөлөрү бүгүн, 3-мартта кабыл алды. БШКнын төрайымы Нуржан Шайлдабекова Иминовдун буга чейин фракциянын курамынан чыгуу боюнча арызын, "Республика-Ата Журт" фракциясы канааттандырганын айтып, анын мандатынан баш тартуу боюнча арызын канааттандырууну суранды. Мындан улам БШКнын мүчөлөрү Иминовдун депутаттык ыйгарым укуктарын токтотууну бир добуштан колдоду.

Белгилей кетсек, буга чейин Фархат Иминов өзүнүн депутаттык мандатын тапшыруу боюнча арыз жазганы белгилүү болгон. Жогорку Кеңештин басма сөз кызматынын маалыматы боюнча Фархат Иминов мандатын тапшыруу боюнча арызды 1-мартта жазган. "Республика-Ата Журт" фракциясынын лидери Руслан Казакбаев Иминовдун ордуна Марлен Маматалиев депутат болуп келиши мүмкүн экенин билдирген.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Талкуу жабык.
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: