Данияр Сыдыков президенттик аппараттын тышкы саясат бөлүмүнүн башчысы болуп дайындалды

Данияр Сыдыков президенттик аппараттын тышкы саясат бөлүмүнүн башчысы болуп дайындалды. Бул тууралуу бүгүн, 5-мартта президенттик аппараттын басма сөз кызматы билдирди.

Маалыматка ылайык, тийиштүү буйрукка президент Сооронбай Жээнбеков кол койду.

Данияр Сыдыков 1975-жылы 22-сентябрда Чүй облусунун Токмок шаарында туулган. Ал 1996-жылы Кыргыз мамлекеттик улуттук университетинин экономика факультетин аяктаган.

1996-1998-жылдары Улуттук банктын адиси;

1998-1999-жылдары Тышкы иштер министрлигинин экономикалык анализдөө башкармалыгынын атташеси;

1999-2000-жылдары аталган министрликтин тышкы экономикалык саясатты талдоо жана божомолдоо башкармалыгынын катчысы;

2000-2002-жылдары министрликтин Консулдук кызмат департаментинин экинчи катчысы;

2002-2005-жылдары Кыргыз мамлекетинин Индиядагы элчилигинин экинчи катчысы;

2005-жылдары Тышкы саясатты анализдөө, пландоо жана координациялоо департаментинин биринчи катчысы;

2005-2006-жылдары аталган департаменттин директорунун орун басары;

2006-2009-жылдары Кыргыз мамлекетинин Орусиядагы элчисинин кеңешчиси;

2009-2010-жылдары Тышкы иштер министрлигинин КМШ департаментинин көп тараптуу кызматташуу бөлүмүнүн жетекчиси;

2010-2011-жылдары Интеллектуалдык менчик жана инновациялар мамлекеттик кызматынын төрагасынын орун басары;

2012-жылы өкмөттүн тышкы саясат бөлүмүнүн жетекчиси;

2012-2015-жылдары Тышкы иштер министрлигинин өлкөнүн түштүк аймагы боюнча өкүлчүлүгүнүн жетекчиси;