ЖЫЛНААМА, 6-МАРТ: Ырчы Айбек Замирбек уулу 31 жашка толду

Бүгүн, 6-мартта эстрада ырчысы Айбек Замирбек уулу 31 жашка толду. SUPER.KG порталы ырчыны туулган күнү менен куттуктап байланышка чыкканда, бүгүнкү күндү кантип өткөрүп жатканын айтты.

"Бүгүнкү күн эч нерсе кылбагандыгым менен өзгөчөлөндү. Башка күндөрү чыгармачылыктагы пландарым менен ар кайсы жакта жүрсөм, бүгүн үйдө конок болдум. Күндүз үй-бүлөм, жакындарым менен майрамдадык. Азыр досторум менен тар чөйрөдө белгилейбиз", - деди ал.

Айбек Замирбек уулу 1987-жылы 6-мартта Бишкек шаарында туулган. Белгилүү актёр, Кыргыз Республикасынын Эл артисти Замирбек Сооронбаев менен Эмгек сиңирген артист Калича Сейдалиеванын уулу. Үй-бүлөдө 2 бир тууган. "Жаңы толкун-2011" сынагына ырчы Арсен менен бирге катышып, 4-орунга ээ болушкан.

6-марттын жылнаамасы.