Монголияда өз өмүрүн кыйган эркектердин саны өстү. Алардын көбү 34 жаштан 39 жашка чейинки мырзалар

Монголияда эркектердин өлүмүнүн негизги себеби - суицид. Бул тууралуу чет элдик басылмалар жазып чыгышты.

Маалыматка караганда, Монголияда 2017-жылы жанын кыйган эркектер аялдарга караганда көп катталган.

"Монголиянын Улуттук статистикалык комитетинин маалыматына ылайык, 34 жаштан 39 жашка чейинки көз жумган эркектердин 85 пайызы өзүн-өзү өлтүргөнү аныкталган", - деп жазылган маалыматта.

Ошондой эле өлкө аймагындагы жумушсуздук, социалдык-экономикалык маселелер, депрессия, баңгилик, ичкилик жана ар кандай оорулар суициддин негизги себептери катары көрсөтүлгөн. Психологдордун айтымында, өлкөнүн өкмөтү суицидге барган эркектердин өлүмүнүн алдын алуу боюнча маселе көтөрүп, тез арада аны чечүүсү керек.