Кыргыз жерине дүйнө жүзүндөгү мыкты иллюзионисттер келишти

Дүйнө жүзүндөгү мыкты иллюзионисттер Кыргыз өлкөсүнө чогулушту. Алар борбор калаанын тургундарына шоу көрсөтө турганын айтып, маалымат жыйын өткөрүштү. Келген коноктордун ар бири өнөрүнүн четин көрсөтүп, ойго келбеген фокустарды жасап, таң калтырууга үлгүрүштү.

Долбоордун уюштуруучусу, иллюзионист Өмүрбек Молдокматов бул жолугушууга 2 жылдан бери даярданып келе жатканын айтты.

"Дүйнө жүзүндөгү 9 өлкөдөн мыкты иллюзионист досторум келди. Кытай, Малайзия, Казакстан, Түштүк Африка Республикасы, Орусия жана Кореядан келген иллюзионисттер - эл аралык бир нече сынактардын жеңүүчүлөрү. Бул майрамды уюштуруу үчүн аракет кылып жүргөнүмө 2 жыл болду. Ошондон бери интернет, телефон аркылуу сүйлөшүүлөр жүрүп келди", - дейт Молдокматов.

Ошондой эле сыйкыр дүйнөсүнүн өкүлдөрү Кыргыз өлкөсүндө болгон жолугушуунун максатын достук биримдигин далилдөө деп белгилешти.