"Айылдык китепканага китеп тартуула" аттуу акцияда 16 миңдей китеп чогулду

Бүгүн, 14-июнда Бишкектеги А.Осмонов атындагы улуттук китепканада “Китепкана - жаш муунду мекенчилдикке жана руханий жактан калыптандыруучу борбор” аттуу форум өтүүдө. Жаштарды патриоттуулукка жана жарандык жоопкерчиликке тарбиялоо максатында өтүп жаткан иш-чара Маданият, маалымат жана туризм министрлиги менен Улуттук китепкана, парламенттин Билим берүү, илим, маданият жана спорт боюнча комитетинин колдоосу менен уюштурулду. Маалыматка ылайык, иш-чарада “Айылдык китепканага китеп тартуула” деген марафондун жыйынтыгы чыгарылат. Ал эми чогулган 16 миңдей китеп айылдык китепканаларга таратылат.