Вайнер Эльдана Сатыбалдиева эмне себептен атасы анын социалдык тармактагы баракчасына кирбей тургандыгын айтты

Eldana_foureyes ысымы менен элге таанылган Кыргыздын белгилүү вайнери Эльдана Сатыбалдиева эмне себептен атасы анын социалдык тармактагы баракчасына кирбей тургандыгын айтты.

Бүгүн, 13-мартта Эльдана Сатыбалдиева атасы Эльмурза Сатыбалдиевди туулган күнү менен куттуктап өзүнүн Инстаграмдагы баракчасына билдирүү жарыялаган.

Вайнер өзүнүн атасы менен түшкөн сүрөтүн жарыялап:

"Атам менин Инстаграмымды окубайт, ошол себептен ага болгон каалоо-тилектеримди бул жакка жазбай эле коёюн. Бир жолу атам мага "кызым, мен сенин Инстаграмдагы баракчаңа эч качан кирген эмесмин жана кирбейм дагы" деген. Мен эмне себептен атам мындай деп жатат деп ойлонгуча "анткени билем, сен муну каалабайсың" деп кошумчалаган", - деген билдирүү менен коштогон.

Эльмурза Сатыбалдиев 2007-2009-жылдары Кыргыз Республикасынын Башкы прокурору болуп турган.