"Жүргүнчү айымды зордуктаган" деп айыпталып таксист кармалды

Москва районунда жүргүнчү айымды зордуктаган таксист кармалды. Бул тууралуу Чүй ОИИБинин басма сөз кызматы бүгүн, 14-июнда билдирди. Жабырлануучу, Ош облусунун 26 жаштагы Ж.Ч. аттуу тургуну милиция кызматкерлерине кайрылып, тааныш адамы унаасы менен үйүнө жеткирип коймокчу болуп, бирок жолдон зордуктаганын айткан. Окуя боюнча Москва РИИБинин кызматкерлери кылмышка шектүү катары 55 жаштагы Ош облусунун Б.А. аттуу тургунун колго түшүрүштү. Учурда кармалган адам убактылуу кармоочу жайда.