Бишкектеги батирлердин биринен 77 жаштагы кишинин жансыз денеси табылды

Бишкектеги батирлердин биринен эркек кишинин жансыз денеси табылганын Өзгөчө кырдаалдар министрлигинин маалымат кызматынан кабарлашты. Маалым болгондой, 13-март күнү саат 17:30дар чамасында ӨКМнын Бишкек шаары боюнча башкармалыгынын куткаруучулары Лев Толстой көчөсүндө жайгашкан №59-үйдөгү батирлердин биринин бекилип калган эшигин ачууга барышкан. Куткаруучулар батирди ачып киришкенден кийин ичинен 1941-жылы туулган Л.Г.И. аттуу үй ээсинин жансыз денесин көрүшкөн. Андан кийин маркумдун сөөгү ИИМ кызматкерлерине өткөрүлүп берилген.