Бишкекте жөө жүргүнчүлөр тарабынан жол эрежелери көп бузулган жерлер аталды

Бишкек шаарында жөө жүргүнчүлөр тарабынан Чүй-Фучик, Курманжан датка-Жибек Жолу, Абдырахманов-Бөкөнбаев, Чүй-Манас жана Элебесов-Витебский көчөлөрүнүн кесилишинде жол эрежелери көп бузулат. Мындай маалыматты бүгүн, 14-мартта "Жөө жүргүнчүлөрдүн коопсуздугу боюнча инженердик чечимдер" аталышындагы семинарда "EASST" уюмунун директору Эмма Макленнан айтты.

"Биз Бишкек шаарындагы жол кырсыгы көп катталган жерлерге мониторинг жүргүздүк. Анын алкагында Чүй-Фучик, Курманжан датка-Жибек Жолу, Абдырахманов-Бөкөнбаев, Чүй-Манас жана Элебесов-Витебский көчөлөрүнүн кесилишинде жөө жүргүнчүлөр тарабынан жол эрежелери көп бузуларын жана ошол жерде жол кырсыктары көп болорун аныктадык. Бул нерселердин себеби ал жерлерде жөө адам көп өтөт жана жөө жүргүнчүлөр өтө турган шарттар түзүлгөн эмес", - дейт Эмма Макленнан.